Bolongan

Sakri ambek Nasip mlaku budhal mancing. Moro-moro Nasip ndhelok onok bolongan guedhe.
"Kri, ayok dites jerune sak piro se bolongan iki" jare Nasip.
Sakri njupuk watu kali terus diuncalno ndhik bolongan mau.
Sui gak onok suorone blas...
"Whuik jerune...," jare Sakri
"Watune kurang gedhe be'e, cobak kelopo" jare Nasip.
Sakri njupuk kelopo terus diuncalno maneh ndhik bolongan.
Sepiii gak onok suorone....
"Whuik jerune...," jare Sakri
"Sik, golek sing luwih gedhe maneh," jare Nasip.
Mari golek-golek, arek loro iku akhire nemu beton bekas bantalane rel sepur.
Berhubung abhot, betone digotong wong loro terus disurung mlebu bolongan
Tapi yo ngono, suiii gak onok suorone...
"Cik jerune bolongan iki.." jare Sakri
Moro-moro seko semak-semak, onok wedhus mlayu katene nubruk arek loro.
Selamete arek loro iku isok ngelesi, tapi sakno wedhuse sing kecemplung bolongan.
Kagete jik durung ilang, moro-moro onok Wak Dri nggowo arit takok nang arek loro iku.
"He rek, kon ndhelok sing nyolong wedhusku ta ? Tak bacok’e wonge !!!'',
takok Wak Dri.
"Wah gak ngerti Wak Dri, cumak sik tas ae onok wedhus kecemplung bolongan iku" jare Nasip.
"Oo gak mungkin.. dhudhuk wedhusku lek sing iku, wedhusku mau tak cancang ndhik betone rel sepur kok "
(wedhuse keseret/katut mlebu bareng betone nang bolongan mau)